كتبت : زينب يحيي
في الشتاء والبرد محتاجين نشرب أو نأكل حاجات سخنة، تغذينا وتدفينا، وتكون في نفس الوقت مفيدة، وصفتنا النهاردة طاجن أم علي ، وهي من الطواجن المحببة للكبار والأطفال، وتتاكل سخنة، ممكن تتاكل ساقعة أيضًا.
مكونات طاجن أم علي
- لفة جلاش، أو رقاق ناشف ( حسب الرغبة ) .
- كيلو حليب
- سكر حسب الرغبة
- مكسرات حسب المتوفر والرغبة
- معلقتان كبار قشطة
- باكو فانيليا
طريقة التحضير
- نسخن الطاجن، وندهنه سمنه أو زبدة .
- في الطاجن نكسر الجلاش أو الرقاق ونضع أي مكسرات جوز هند و زبيب و سوداني .
- ندوب سكر في حليب يكفي كمية الطاجن . نضعه على النار و اول ما يبتدي يغلي نطفي النار ونضع معلقتين كبار قشطة .
- ننزل بالحليب السخن ع الطاجن ثم نضع قشطه على الوش .
- ندخل الطاجن الفرن و نشغل الشواية بس و اول ما يحمر الوش نخرجه و ممكن نرش على الوش جوز هند زبيب و مكسرات
وبألف هنا وشفا
