كتب : ايمن محمود
بتعانى من رعشة اليد ومشاكل الانتباه والتركيز والذاكرة
بتنسي الكلام،بطئ التفكير ورد الفعل،بتنسي الأماكن بتعيش احيانا في اكتئاب وبعض الهلاوس
تعالي اقولك واعرفتك بأعراض نقص هرمون الدوبامين .
الفول مازلت ادعوك لتناول الفول يوميا والبقول عامة زى الفاصوليا و البسلة و اللوبيا والحمص والعدس و الترمس ولكن الفول تحديدا فى الموضوع ده ليه قصة وتعال اشرحها ليك بالراحة كده هرمون الدوبامين عشان يتكون فى الدماغ محتاجك تاكل ليه أكل فيه مادتين إما مادة الدوبا ودى حصريا موجودة فى الفول بكميات علاجية لدرجة قدرة الفول على علاج الشلل الرعاش لأن مادته الفعالة الدوبا بتخترق الحاجز الدموى الدماغى و بتخلى الأعصاب تنتج الدوبامين بكفاءة تامة المادة التانية إسمها تيروزين و دى موجودة بكميات معقولة فى العدس وبقية البقول .
الحرمان من أكل البقول مؤذى ،ربنا بيقول في القرآن الكريم
بسم الله الرحمن الرحيم
وَإِذْ قُلْتُمْ يَا مُوسَىٰ لَن نَّصْبِرَ عَلَىٰ طَعَامٍ وَاحِدٍ فَادْعُ لَنَا رَبَّكَ يُخْرِجْ لَنَا مِمَّا تُنبِتُ الْأَرْضُ مِن بَقْلِهَا وَقِثَّائِهَا وَفُومِهَا وَعَدَسِهَا وَبَصَلِهَا صدق الله العظيم
و أنا ضد أى نظام غذائى تمشى عليه طول العمر ممنوع فيه البقول خلى عندك توازن و نوع فى أكلك بدون متسرف فى أى صنف الإسراف ممرض . بسم الله الرحمن الرحيم
وَكُلُوا وَاشْرَبُوا وَلَا تُسْرِفُوا ۚ إِنَّهُ لَا يُحِبُّ الْمُسْرِفِينَ
صدق الله العظيم .
ولهذا كل فول بكل أشكاله مدمس منبت مشوى بصارة وياريت تضيف عليه العدس يبقى الفوايد هتتضاعف الله الله على الجمال و قوة الأعصاب .
#دافنشى
#صحتي
