رئيس محكمة الجنايات يقترح تدشين مبادرة للانتهاء من قوائم الانتظار
كتب : أيمن محمود
اقتراح وفكرة عبقرية من المستشار أمير عزمي
رئيس محكمة الجنايات، وأخو الفنان هاني رمزي..
كتب علي صفحته وإيه يعني لما كل مستشفى من المستشفيات العامة زي الدمرداش، والقصر العيني، وأبو الريش، وأم المصريين… وهكذا في المحافظات والمستشفيات الجامعية، يكون لكل مستشفى رجل أعمال كبير أو جهة كبيرة ترعاها… ويصرف عليها…
وتُخصم تبرعاته فيها من ضرائبه، لتحسين جودة الخدمة، وسد كل نقص، وزيادة الاستيعاب، ومراعاة الناس اللي مش لاقية علاج، ولا مكان، ولا مصاريف العملية… وبايتين في الشارع، ولا لاقين ياكلوا… ومتغربين.
لو حصل اجتماع ما بين الدكتورة وزيرة التضامن، والدكتور وزير الصحة، ورجال الأعمال…
متأكد إننا هنطلع بنتيجة عظيمة
واحد زي نجيب ساويرس لو طلبوا منه رعاية القصر العيني…
ولا مصر الخير ترعى أبو الريش…
ولا صلاح دياب يرعى الدمرداش…
ولا علام، ولا الجارحي… وهكذا…
دي ناس وطنية هترحب وهتعمل أكتر.
فكرة رائعة ومشاركة اجتماعية فعالة من القادرين، وطبعًا تعتبر تبرعات مثل الزكاة والعشور، وتُخصم من الضرائب مثل كل البلاد المتحضرة.
ياريت الفكرة توصل إلى رئيسنا الإنسان الراقي… مش هيتأخر
والقنوات الرسمية كمان.
#دافنشي
# مبادرة وطنية
