كتبت : زينب يحيي
المقادير
- 2 كيلو من لحم ريش ضاني
- معلقة صغيرة ملح
- معقة صغيرة فلفل اسود
- معلقتان كبار من الزبده
- 3 فصوص توم
- خضار مشكل
- روز ماري
- بصل مقطع جوليان
- كوبيتين مرقه
طريقة تحضير صينية البطاطس بالريش الضاني
- تتبل بملح وفلفل اسود وتترك لمدة نص ساعه وفي طاسه سخنه فيها معلقتين ك من الزبده ننزل بالريش تاخد صدمه من الناحيتين،ثم ننزل بفصوص التوم وعود من الروز ماري يترك دقيقه بعد كده نخرج الريش وننزل ببصلتين متقطعين جوليان ونشوحهم لحد ما يدبلوا ونحط عليهم اي خضار متاح بطاطس وجزر وكوسه ….الخ
- نتبل الخضار بملح وفلفل اسود ونزود عليه كوبيتين من المرقه او مايه مغليه ويوضع في صينيه بتدخل الفرن ونضع على الوش الريش ونغلف الصنيه بورق زبده وفويل وندخلها فرن سخن مسبقا على درجه ٢٠٠ في الرف الاوسط هتاخد ساعتين .
تقدم مع أرز بشعريه وسلطة، وبألف هنا
