كتب :ايمن محمود
هل تعلم ان البطيخ بيعالج ٥٣ مرض بغض النظر عن قدرته الغير عادية على الترطيب .
ولكن يا خسارة الحلو ما يكملش وهفهمك تفصيليا .
علم التغذية الحديث قايم على الميزانية بالظبط تسمع عن ميزانية الشركات أو الميزان أهو نفس القصة بالظبط بالنسبة لأكلك محتاجينك تاكل و تشرب و جسمك يطلع كسبان فايدة وليس ضرر و هوضح أكتر
بعض الأكلات لو كلتها ممتازة كمصدر للبروتين تقوى العضلات لكن فى نفس الوقت بتضغط على الكلى فالمطلوب ظبط ميزان الأحماض و القلويات بالنسبة للأكل المسبب للحموضة .
مينفعش تاكل لحمة كتير الا مثلا مع البقدونس والكمون كمصادر لتوليد القلوية لموازنة حموضة البروتين .
فيه أكلات طعمها حلوى أوى شهية جدا زى الفريد تشيكن أو الدجاج المقلى ولكن الأكلات دى مسببة للإلتهاب وبالتالى شيخوخة مبكرة للجسم بتتوزن بأكلات مضاد للإلتهاب زى الجزر مثلا دا رهيب فى سحب الإلتهاب من الجسم .
المثال اللى جاى الأخير وليس أخرا ان فيه أكلات باكلها من هنا وبتعمل إرتفاع سريع ومفاجئ للسكر ودى على المدى البعيد المسببة لحدوث أمراض مقاومة الإنسولين زى السكر و زيادة الوزن و قصور الشرايين الميزان الخاص بالأكلات دى إسمه المؤشر الجلوكوزي أو المؤشر الجلايسيمى . والمطلوب إن المؤشر لايزيد عن ال ٥٥ .
كوب من البطيخ رقمه كام بقا كمؤشر جلوكوز الرقم ٧٧ وسعرات حرارية ٤٦ تخيل سعرات البطيخ مناسبة جدا انك تستخدمه للتخسيس رائع كحسبة سعرات لكن الحقيقة هوه هيخسسك ويجبلك سكر و عشان كده أنا ضد الأنظمة الغذائية الشاذة زى الفروتارية القائم على الفواكه فقط القاعدة كل ما تريد بلا إسراف .
عشان توازن البطيخ ويبقى جميل جمال كل معاه حاجة تكون محتواه من البروتين و الألياف جيدة من يفعل ذلك مثلا بكفاءة الحمص و الترمس فلذلك إذا كنت من محبى البطيخ فلا تأكله الا بالترمس أو الحمص درء للضرر و تحصيل للفايدة كده جسمك يطلع كسبان من الأكله دى مش خسران .
البطيخ هنرتبه إزاى كأكل بعد الترتيب إيه الفوايد الصحية الناتجة عن استهلاكك البطيخ طبقا للدراسات المنشورة هنذكر عشر دراسات فقط .
١- الضغط .
٢- السكر بشروط راجع الكلام .
٣- ارتفاع دهون الدم الضارة .
٤- كبر السن .
٥- تصلب الشرايين وتكلسها .
٦- تسوس الأسنان .
٧- الالام العضلات والشد العضلى .
٨- قصور الغدة الدرقية .
٩- حصوة الكلى .
١٠- حساسية الصدر .
كل بطيخ وحافظ على عضلات جسمك بشرط تاكلة بالترمس أو بالجبنة .
#دافنشي
#عيشها بصحة
