كتب : ايمن محمود
هل تعلم لماذا كل الناس بعد سن التلاتين فى مصر والوطن العربى عندها ضعف عام وضعف عضلات و خشونة مفاصل وإنزلاقات غضروفية قطنية عنقية بسبب ان مفيش بروتين بيدخل جسمك وانك محتاج ٢ جرام تقريبا من البروتين لكل كيلو جرام من وزنك يعنى وزنك لو ١٠٠ كيلو محتاجين ٢٠٠ جرام بروتين ودا وحط تحته ١٠٠ خط فى الظروف المثالية يعنى لا فيه ميكروب حلزونى بيضعفلك حمض المعدة ولا دهون كبد تمنع التكسير والبناء و لا قلة نوم عشان انت اصلا بتبنى وانت نايم ولا صيام البق بسم الله ماشاء الله شغال مكنة ٢٤ ساعة دا فيه ناس بتقوم من النوم مخصوص تاكل وتنام ولا جفاف وتقصير فى شرب الميه
انت محتاج ميه اصلا لهضم البروتينات ولا اساسا عندك التهاب فى القولون عشان بتعشق المقليات ولا انك محافظ على أكل البطاطا والموز عشان دى مصادر فيتامين ب ٦ اللى بيحتاجها جسمك عشان يمثل البروتين .
محتاجين نرتب أكلك يكون محتوى البروتين بتاعه محترم ومتنوع وبيتم تناوله بطريقة سليمة .
أصح مصدر للبروتين هو الفول اللى يديك طاقة لبناء العضلات وتقدر تروح الجيم هو الفول النابت المنبت المستنبت ليه ؟
أنا إما أزرع الفول ويطلع ليه الزعزوه الزلومة البرعم اللى كنت بتعملها زمان فى المدرسة محتواه من البروتين الحيوى هيزيد جدا وهيديك نشاط وطاقة وقوه عضلات رهيبة لو مشيت عليه يومى ال ١٠٠ جرام فول نابت احسن من ٥ بيضات تخيل !!! ومفيهوش مضادات هضم ولا مضادات امتصاص وسهل الهضم والتمثيل ليه ياجماعة عيالنا بنأكلهم اندومى يخليهم ضعفا واحنا أصلا متربين على الفول النابت وشوربة الفول النابت نسيتو . الجيل بتاعى و انا من جيل ٨٥ كنت بروح اجيب الفول النابت والحاجة تعمله شوربة ومازالت بعض الاحياء فى مصر هنا بتبيعه شوفته فى الدرب الأحمر الناس فارشه بيه فى الشارع .
طريقة تنبيته ؟
١- انقع الفول الجاف فى ميه دافيه لمدة يوم وغير الميه كل ١٢ ساعه .
٢- حطه على قطن او فوطه فى مصفاية بلاستيك واشطفه كل ١٢ ساعه عشان ميعفنش لمدة من يوم الى ٣ ايام لغاية مالبرعم يطلع ويبقى طوله من سم الى ٣ سم .
بعد كده هوه جاهز انك تعمل احلى شوربة فول نابت وهسيب الستات القمامير اللى معانا ع الصفحة يكتبولنا الطريقة فى التعليقات .
اه نسيت أقولك الاندومى فيه ملح صينى بيتلف نهايات الاعصاب اسمه احادى جلوتاميت الصوديم انما الفول النابت بيبنى الاعصاب وبيعالج الرعشة نهائيا ولو مريض الشلل الرعاش كله كل يوم هيتعالج ودا منشور عنه دراسات إكلينكيه ومتنساش ان الفول والبقول مذكورة من نعم الله فى الأرض فى الأيه ٦١ من سورة البقرة بسم الله الرحمن الرحيم
وَإِذْ قُلْتُمْ يَا مُوسَىٰ لَن نَّصْبِرَ عَلَىٰ طَعَامٍ وَاحِدٍ فَادْعُ لَنَا رَبَّكَ يُخْرِجْ لَنَا مِمَّا تُنبِتُ الْأَرْضُ مِن بَقْلِهَا وَقِثَّائِهَا وَفُومِهَا وَعَدَسِهَا وَبَصَلِهَا
صدق الله العظيم
#دافنشي
#صحتي
