عايز تعرف اهم الاسرار .. تعالى أقولك عن اهمهم وهو الخيار

كتب : ايمن محمود

انا مش فاهم بجد هو ازاي الخيار متساب كده عادي في الشوارع والمحلات بيتباع !!!

وياتري الناس اللي ليها مصالح ساكتين كده عادي ؟!!
شكلهم ميعرفوش الخيار بيعمل ايه

اولا : الخيار فاكهه مش خضار وده اول غلط

ثانيا : الخيار علاج مش مجرد اكل ..علاج بجد

تخيل أن كيلوووووو خياار فيه بس ١٥٠ سعرحراري..

يعني قد سعرات نص رغيف
( طب بالله عليك تاكل كيلو خيار ولا نص رغيف !!!)

طب انت عارف ان الخيار يعتبر علاج لانقاص الوزن ليه
بقي؟
ألياف + ميه يعني شبع وتحسين مقاومه الانسولين

انت عارف ان الخيار بيعالج السكر !؟

عملو دراسات علي الفئران اللي اصابوها بالسكر فعكس تأثير الاصابه وشفاهم من السكر
وكمان بيقلل من مضاعفاته

طب انت عارف أنه رائع للجهاز الهضمي وبيعالج الامساك وبيغذي البكتريا النافعه
وميزته أن وجود الميه مع الألياف الذائبة مش محتاج اي اضافات علي عكس اي علاج للامساك

ده غير انه بيعمل ترطيب لجسمك ولجلدك فمناسب اوي مع الصيام المتقطع أو الصيام عموما الفتره الجايه

ومليان بكميات رهيبه بمضادات الاكسده ..عشان كده بينمع تراكم السموم في جسمك وبيطهر الكبد

وغير بقي الفيتامينات والمعادن خصوصا الماغنسيوم والبوتاسيوم

وفوايده للبشره وترطيبها وحاجات تانيه كتيييير

مع العلم لو عندك نقص في البكتريا النافعة أو مشاكل في القولون ابتدي تستخدمه الاول بدون قشر لحد ما تصلح المشكله

كل الفوائد دي وسايبينه في السوق كده عادي بالله عليكم مش المفروض يتحط علي رفوف صيدليه

#دافنشى
#صحتي