- علق الإعلامي خالد الغندور على مفاوضات تجديد اللاعب أحمد السيد زيزو مع الزمالك خلال الفترة المقبلة.
وقال خالد الغندور من خلال برنامجه “ستاد المحور” المذاع على شاشة المحور: «بحب زيزو جدا وبحترم والده جدا، لكن هو في الاخر بيتعامل أن الموضوع عرض وطلب سيبكم من المشاعر لان وقت الجد الكل بيفكر في مصالحه لو مخدشي اللي عايزه مش هيجدد».
وأضاف: «والده عاوز ياخد اعلى راتب ومصلحه ابنه في المقام الأول بدون تنازلات لكن هو بيحاول يستغل سوشيال ميديا الزمالك أنها بتحب اللاعب في الضغط على الإدارة بفكره أن خلاص يناير فاضل عليه كام يوم ومحدش خلص معاه وان من حقه يتفاوض ويمضي في اي مكان».
وتابع: «مع أن المفروض أن الزمالك لازم يكون ليه الأولوية لنهايه الموسم مش اضغط بفكره اني امضي لأي حد في يناير خصوصا أن الإدارة بتواجه ازمه ماليه كبيره وعندها متطلبات بتدفع غير أنها عايزه تدعم الفريق في يناير».
وأكمل: «المعلومة اللي عندي أن والد زيزو طلب 80 مليون جنيه في السنه اي ما يوازي مليون و600 الف دولار، قول مليون ونصف اي 4 ونصف مليون دولار في 3 سنوات».
ويستعد نادي الزمالك لخوض مواجهة مرتقبة أمام نادي طلائع الجيش يوم الثلاثاء المقبل في تمام الساعة الثامنة مساءً بتوقيت القاهرة، في إطار مواجهات الجولة السادسة من عمر مسابقة الدوري المصري الممتاز.
