انتشار الاورام الخبيثة في الفترة الأخيرة بشكل كبير .. . واورام القولون والشرج بشكل خاص..
الوقاية مهمة جدا…. وان العادات الغذائية السيئة سبب رئيسي في انتشار أورام القولون بشكل كبير..
الملاحظات اللي جاية دي مهمة جدا جدا ليكم ولاولادكم و لأهاليكم..
١- جوع كتير.. صوم .. الجسم بعد صيام مدة طويلة بياكل الخلايا الوحشة .. البحث ده خد نوبل السنة اللي فاتت..
٢- قل بسم الله الرحمن الرحيم قبل أي أكل او شرب.
٣- قلل سكرك علي قد ما تقدر.. العادة خلتنا ننسي طعم الحاجة وبنشرب وبناكل سكر لأنه الخلايا السرطانية بتتغذي علي السكر.
٤- حاول علي قدماتقدر عدم الاكل من خارج المنزل نهائيا
..اعملي اكل برة جوة البيت.. علي قد ماتقدر.
٥- كل فاكهة .. كل خضار كتير.. اغسلهم كويس بالماء والخل .
٦- إشرب مية نضيفة معدنية من شركة محترمة او فلتر كويس وتابع صيانته بإستمرار.
٧- قلل من استخدام الميكروييف
…خل اكلك طازة احسن.
٨- الزيت اللي تقلي بيه مرة ارمية.. وماتستخدمهوش تاني.. خليك كريم مع اهل بيتك ونفسك. وبالله عليك ماتحطش البطاطس والطعمية المقلية علي ورق .. هات مناديل.
٩- لو بتدخن ..بطل دلوقتي .. ولو مش بتدخن احمد ربنا علي النعمة دي وحافظ عليها.
١٠- لو بتقدر تجري اجري لومش بتقدر امشي كتير.. روح جيم ..العب تمارين في البيت ..الحياة حركة.
١١- نام كويس خالص.. نام كتير .. نام بدري.
١٢- متشربش عصير معلب ابدا ..اعملي عصير فريش اشربه انت واولادك.
١٣- بلاش مياة غازية بالله عليكم ..تخلص من العادة دي فورا .. مش هتستفيد حاجة وهتخسر كتير.
١٤- ماتحطش الفتلة ولا الكيس بتاعهافي المية السخنة .. فضيها جوة المج وضيف عليها المية السخنة.
١٥- اوعي تشرب حاجةسخنة في كباية بلاستيك .. البلاستيك بيتفاعل مع الميةالسخنة والنتيجة مش هترضيك .. الموضوع منتشر جدا في القطار و المواصلات والمؤتمرات.
١٦- إشرب قهوة .. بلاش نسكافية..بلاش كريمر.. انت مش عارف تصنيعه ازاي.
١٧- لو معدتك مفيهاش مشاكل.. إبلع قرصين ثوم كل يوم.. قبل الأكل اوبعده مش فارقة كتير..الثوم من مضادات الأكسدة القوية جدا.
١٨- ماتحطش المياة في الثلاجة في زجاجات بلاستيك .. حطها في زجاج .. ولو مفيش اتأكد ان رقم 5 مرسوم علي البلاستيك ..ده اكتر بلاستيك آمن.
١٩- ابعد عن اللحوم المصنعة خالص..سوسيس .. برجر .. لانشون .. بسطرمة.. ولحمة مفرومة ..
هات لحمة من الجزار وخليه يفرمها ..انت مش عارف ايه اللي مستخبي جوا كل مكسبات الطعم دي.
٢٠- حاول ماتاكلش بعد المغرب اكلات ثقيلة .. الأيض الغذائي بيقل بالليل ..كل فاكهة .. كل زبادي .. كل جبنة قريش.
ختام.. احمي نفسك وعيلتك .. المرض وحش .. وحش جدا ..
إستمتع بالأكل والشرب.. بس كل اكل صحي وإشرب شراب صحي
عافانا الله وإياكم من كل سوء .
#دافنشى
#صحتي
#التغذية السليمة
