كتبت زينب يحيي :
بما إننا داخلين علي عيد الأضحي، وكل عام وأنتم بخير،، وطبعاً لا غني عن طبق الفتة باللحمة علي سفرتك، هقولك علي كل التركات… عشان تعملي طبق فتة عظمة ….
سلق اللحمة …
معلقة زيت + معلقة سمنة + ر شة ملح وفلفل أسود، ونشوح فيهم اللحمة ثم ننزل بالمياه الساخنة.
تحضير الصلصة …
- معلق ك ثوم مفروم
- نصف كوب خل
- لتر عصير طماطم
- رشة ملح + رشة سكر
- يسخن الزيت ثم ننزل بالثوم… والخل ثم ننزل بعصير الطماطم مع معلقة سكر.. وتترك لتغلي .
تحضير الأرز …
كيلو أرز مغسول ومتصفي ، يشوح مع معلقة زبدة لمدة 5 دقائق، وننزل بالشوربة نفس مقدار الأرز … ونوضح الملح وأول ما يغلي نهدي النار ويترك لحد ما يستوي .
تحضير العيش …
يقطع العيش معكعبات ويحمر في زبدة وعليه رشة ملح وثوم بودر وزعتر .
تحضير الدقة …
نشوح ربع معلقة توم “مفروم ناعم” في معلقة زيت ونزود كوبايتين شوربة ونظبط الملح وتاخد غلوة ونزودها على العيش” مش كل الشوربة يادوب بس يكون متغطي” ونقفل عليه شوية لحد لما العيش يكون مقرمش بس طري سيكا .
لتقديم الطبق …
في طبق كبير “مش غويط أقرب للصنيه” يكون الأرز تحت وفوق من عالأطراف العيش و اللحمه في النص ، وبينهم الصلصة والدقة .
طريقة تانية للتقديم
نحط العيش تحت وعليها شوية شوربة وعالوش طبقة رز واللحمه في النص والصلصة عالطرف.
بالنسبة للحمة ممكن تتحمر بالزبدة ، أوتقدم مسلوقة حسب الرغبة .
