مكرونة بالجبنة وصوص العسل والفلفل و مكعبات الفراخ 

كتبت : زينب يحيي

مكونات الوصفة

– كيس مكرونة ونسلقه
– نص كيلو صدور فراخ متقطعة مكعبات
– معلقة صغيرة توم بودر
– نص معلقة صغيرة بصل بودر
– معلقة صغيرة بابريكا
– نص معلقة صغيرة فلفل أسود
– نص معلقة صغيرة ملح
– معلقة كبيرة زيت زيتون
– معلقة كبيرة زبدة
– معلقتين كبار عسل
– كوباية كريمة طبخ
– كوباية جبنة شيدر مبشورة
– كوباية جبنة موتزاريلا
– ربع كوباية جبنة رومي مبشورة
– معلقة كبيرة بقدونس مفروم

طريقة تحضير الوصفة

– حنتبل الفراخ بالملح والفلفل والتوم والبصل البودر والبابريكا …

– طاسة ونضع فيها زيت الزيتون وننزل عليها بالفراخ تتشوح ونسيبها لحد ما تتحمر وتستوي كويس ونشليها من الطاسة وتوضع على جنب ..

– في نفس الطاسة نضع الزبدة وأول ما تدوب ننزل بالعسل ونقلبهم مع بعض واول ما تبتدي تغلي ننزل عليهم بالفراخ بتاعتنا ونسيبها لحد ما تتغلف بصوص العسل كويس …

– حلة صغيرة لعمل صوص الجبنة نسخن كريمة الطبخ الأول على نار هادية ونضيف الشيدر والموتزاريلا والرومي ونقلبهم مع بعض لحد ما الجبنة تسيح والصوص يبقى ناعم وكريمي …

– ننزل بالمكرونة على صوص الجبنة ونقلبهم كويس ونبتدي نغرف في طبق التقديم ..

– نغرف المكرونة الأول وفوقها الفراخ المتغطية بصوص العسل ورشة بقدونس فوق الوش طعمها يجنننننن .

صحتين وهنا ،،،