طريقة عمل الكوردون بلو
كتبت : زينب يحيي
المكونات
- صدور فراخ
- علبة زبادي
- معلقة صغيرة بهارات فراخ
- معلقة صغيرة زعتر ناشف
- معلقة صغيرة ثوم مفروم
- ملح وفلفل حسب الرغبة
- معلقة كبيرة خل
- عصير ليمونة
للحشو
- روزبيف أو تركي مدخن
- شرائح جبنة شيدر أو جودا
للتغليف
• دقيق
• بيض
• بقسماط
طريقة التحضير
- دقي صدور الفراخ كويس لحد ما تبقى رفيعة وعريضة.
- في بولة، اخلطي الزبادي مع بهارات الفراخ، الزعتر، الثوم المفروم، الملح، الفلفل، الخل، وعصير الليمون، وحطي الفراخ فيها وسيبيها ساعتين في التلاجة.
- طلعي الفراخ من التتبيلة، ونشفيها شوية من أي سوائل زيادة.
- افردي كل قطعة فراخ، وضعي عليها شريحة جبنة، وفوقها الروزبيف أو التركي، ولفيها كويس واثبتيها بخلة أسنان.
- غلفيها بالدقيق، ثم في البيض، وأخيرًا في البقسماط، واضغطي عليها كويس.
تدخل التلاجة لمدة ساعة كاملة لتتماسك. - اقليها في زيت غزير سخن تاخد لون دهبي، وتقدم مع البطاطس والصوص، وبألف هنا
