كتبت : زينب يحيي
طبعاً كلنا عارفين وواثقين إن كل الأطفال أو أغليهم بيكرهوا جداً وقت المذاكرة وبيكون تقيل أوي عليهم خصوصاً لو كان إسلوب الأب والأم شديد وقت المذاكرة وبيلجأوا لإسلوب الضرب اللي هو مرفوض .. بما إننا داخلين علي بداية تيرم جديد، فنوضح في هذا التقرير بعض النصائح لكي تجعل إبنك تحب المذاكرة .
تعالي معايا أقولك أزاي ابنك يحب وقت المذاكرة
- حافز التشجيع والأساليب الإيجابية مهم جداً سواء كان بالكلمات الإيجابية أو بالمكافآت والهدايا.
- التعود قبل البدي في المذاكرة بورد قرآن ولو صفحة ونعودهم إن لازم قبل أي شئ نبدأ بالقرآن علشان ربنا يفتحها علينا ويوفقنا في أي حاجة هنعملها.
- الثبات الإنفعالي مهم جداً من الأم أثناء المذاكرة متحاوليش تتعصبي بسهولة .
- عمل جدول لتنظيم المذاكرة بعدد المواد وكل مادة قد ايه ولازم ياخد بين كل مادة بريك علشان يفصل ، يلعب ، يصلي ، يأكل ، يشرب عصير ، كل 20 دقيقة مذاكرة 5 دقائق بريك .
- لو إنتهاء من مذاكرته قبل إنتهاء الوقت المحدد لابد من مكافأته بأي شئ بسيط ولو شوكولاته
- التشجيع بدرجاته حتي لو قليلية عشان التشجيع يجعله يحصل علي درجات اعلي
- يوم الاجازة لازم يخرج علشان يحس إن مش طول الإسبوع مذاكرة
- أي شئ توعديه بيه لابد من تنفيذه حتي لا يفقد الثقة في وعو دك
- ضروري جداً إني أصاحب إبني ويحكي لي كل حاجة
- احترام النظام وعمل مواعيد للأكل والنوم
التعامل مع كل طفل حسب ذاكرته مثلا
في طفل ذاكرته سمعية : يعتمد علي السمع ولو لمرة واحدة .
في طفل ذاكرته بصرية : مجرد ما ينظر للدرس خلاص يحفظة.
في طفل حركي : مستحيل يجلس أثناء المذاكرة هيفضل يتحرك ويلف فالبيت كله بالكتاب.
