سمك فيلية بالزبدة والليمون
كتبت : زينب يحيي
المقادير
- نصف كيلو سمك فيليه (قشر بياض)
- ربع كوب دقيق
- نصف معلقة ملح ص
- نصف معلقة فلفل أسود ص
- 3 معالق زيتون أو عادي
- 4 معالق زبدة كبار
- 3 فصوص توم مفروم
- ليمونة قشر وعصير
- ربع كوب مياه
- بقدونس
طريقه التحضير
- حننزل بالسمك بعد ماغسلناه في طبق ونضيف الدقيق والملح والفلفل شريحة شريحة نغطيها كويس بالدقيق.
- نحضر طاسة كبيرة سخني زيت الزيتون على نار متوسطة وانزلي بشرايح السمك 4 دقايق على كل جنب لحد ما يآخد معاكي لون دهبي وخرجي السمك حطيه في طبق على جنب.
- وفي نفس الطاسة علي نار هادية ضعي الزبدة و أول ما تدوب انزلي بالتوم وأول ماريحته تطلع ويصفر حطي عليه قشر الليمون وعصير الليمون والمياه وقلبيهم كويس مع بعض وسيبيهم يغلوا من دقيقتين لتلات دقايق .
- نآخد السمك وننزل بيه في الطاسة اللي فيها الصوص ونوزع الصوص فوقيه ويترك دقيقتين كده يادوب يسخنوا مع بعض …
- نغرف في طبق التقديم ونرش فوق الوش بقدونس ونزين بحلقات ليمون وقدمي جنبه رز ابيض او بطاطس محمره وسلطة .
وبالف هنا وعافيه
