كتبت : زينب يحيي
المقادير
- كيس مكرونة مسلوقة أي نوع
- 3 فصوص ثوم مفرومين
- حبة فلفل ألوان مقطع
- حبة طماطم مقطعة مكعبات
- سوسيس حسب الرغبة
- لتر حليب
- معلقتين زبدة
- نصف معلقة ص فلفل أسود
- نصف معلقة ص ثوم بودر
- نصف معلقة ص بصف بودر
- نصف معلقة ص ملح
- معلقتين دقيق
- نصف معلقة بابريكا
- رشة كسبرة
- كوب كريمة
- كوب جبنة موتزريلا
- السوسيس
طريقة التحضير
طاسه علي النار نضع فيها شويه زيت ونشوح 3 فصوص ثوم مفرومين وننزل عليهم بفلفل الوان وحبه طماطم صغيره ونشوحهم.
بعد كده ننزل عليهم بالمشروم والسوسيس والزيتون ونتبلهم برشه ملح وفلفل اسود وثوم بودر وبصل بودر وبابريكا ورشه كسبره ونقلبهم ونتركهم 5 دقائق علي النار.
لتحضير الصوص
نضع في وعاء علي النار وفيه معلقتين زبدة وعليهم معلقتين دقيق ونقلبهم كويس بالمضرب اليدوي وننزل عليهم بنص لتر حليب ونقلبهم كويس اوي ونتبلهم برشه ملح وفلفل اسود وثوم بودر ورشه جوزة الطيب واول ما يبدأ يسخن ننزل عليه بكوبايه كريمه ومعلقتين جبنه كريمي وكوبايه جبنه موزريلا ويترك لحد ما يتقل.
نضع خليط السوسيس على المكرونه ونقلبهم وعليهم الصوص الا حبه نشيلهم للاخر ونقلبهم كويس في بعض.
في بايركس نضع الخليط كله وعليه شويه الصوص الباقيين وجبنه موزريلا وندخلهم الفرن 5 دقائق وتحت الشوايه 5 دقائق .
وتقدم بالهنا والشفا ،،،
