كتبت زينب يحيي:
أولادك بيحبوا البيتزا- بتشترها من برا بالغالي ومش قد كده – أيه رايك نهاردة هنقدم لك طريقة سهلة تقدري تعمليها بنفسك لاولادك في البيت- وبحشوات مختلفة ومتنوعة زي ما أولادك بيحبوها
بمكونات سهلة ومتوفرة في كل بيت …
مكونات عجينة البيتزا …
- 4 كوب ونصف دقيق ( متعدد الاستخدامات)
- 2 كوب من الحليب الدافيئ
- معلقة كبيرة من الخميرة الفورية
- معلقة ص ملح
- نصف معلقة كبيرة من السكر
- 4 معالق كبار زيت زيتون أو زيت ذرة
- تجهيز حشوات حسب الرغبة .
طريقة تحضير عجينة البيتزا …
- في وعاء كبير قومي بتذويب الخميرة مع السكر مع الحليب، واتركيهم لمدة 10 دقائق حتي يختمروا.
- ضيفي الزيت والملح ثم إضافة الدقيق بالتدريج، وقومي بالعجن حتي تصبح معاكي عجينة مرنة.
- تغطي العجينة وتترك لترتاح في مكان دافي لمدة علي الأقل ساعة لتختمر وتتضاعف .
- تقسم العجينة إلي كرات ، وتفرد علي سطح مرشوش بالدقيق.
- تضاف صلصة البيتزا، ثم الجبن والحشوات المفضلة لديكي .
- تخبز البيتزا في فرن ساخن علي درجة حرارة لا تقل عن 220 درجة مئوية، لمدة لا تزيد عن 15 دقيقة، حتي يحمر وجهها، والجبن تسيح .
- تقطع شرائح وتقدم مع الكاتشب، وبالهنا .
