كتب : ايمن محمود
إفرش بيتك دى الكلمة اللى بنصح بيها كل الناس دائما ياصديقى عاوز تتخلص نهائيا من الضعف العام عليك و على الخمائر
الخمائر هيه المسؤوله عن هضم الأكل مع جهازك الهضمى
جهازك الهضمى بينتج الكيماويات اللازمة لعملية الهضم زى الحمض والإنزيمات الهاضمة وطبعا بعد مابتشغل الكسارة صح اللى هيه الأسنان ولكن الخمائر هيه اللى بتمضغلك الأكل و تديهولك مهضوم وجاهز وسهل التمثيل و بتأكل كمان خلايا جهازك الهضمى عشان تمتص الأكل .
لن تستطيع تحمل تناول الأطعمة الحارة الشطة و لا الخردل ولا حب الرشاد ولا الزنجبيل ولا الثوم ولا الفلفل الأسود ولا البصل إلا بعد أن تقوم بتغذية جهازك الهضمى بالخمائر الطبيعية فهى قادرة على حماية جهازك الهضمى من الأطعمة الحارة وفى نفس الوقت الإستفادة منها ومن موادها الفعالة واللى تقريبا بتتفق كلها فى علاج قصور الدورة الدموية و انسداد الشرايين وأعراضها زى الدوخة المزمنة و الصداع و تصلب الشرايين و الكسل و البرد الشديد و انخفاض درجة حرارة الجسم و أمراض الايض زى الضغط والسكر والاضطرابات الهرمونية .
و خلينا نقول بروتوكول :-
الزبادى أو لبن الزبادى اللبن الرايب لازم تتناول منها يوميا
الزبادى غنية ببكتريا اللاكتوباسيلس .
خل التفاح غير المبستر غير المفلتر اللى فيه البكتريا النافعة الاسيتوباكتر .
و خميرة البيرة اللى هيه فطر .
الاستخدامات العلاجية لخميرة البيرة و الطريقة الصحيحة لتناولها ؟
١- أهم علاج و الأهم لعلاج الأنيميا كررتها مرتين أهوه الأنيميا مش نقص حديد الأنيميا ضعف هضم قبل ماتكون نقص حديد وفيتامينات .
٢- بتعملك كل الفيتامينات تقريبا بإستثناء فيتامين ب ١٢ الوحيدة اللى فيها ب ١٢ هيه رقائق الخميرة الغذائية دا نوع تانى .
٣- علاج إلتهاب وتنميل وحرقان وشكشكة وتثليج ورعشة الأعصاب و تنضيف الشرايين من الكولسترول الضار .
٤- ظبط نسبة الكروم العضوى اللازمة لظبط نسبة سكر الدم .
٥- علاج التجاعيد و منعها أساسا الخميرة بتمنع الدمار فى الجلد بسبب الحرارة و أشعه الشمس .
٦- علاج النقرس .
الطريقة السليمة ؟
الخميرة زيها زي المشروبات الغازية غنية بالفسفور اللى مع الوقت قطعيا بينهك العظام و يضعفها و يرقها و عشان تتجنب ده لا تستخدم الخميرة أبدا إلا مع اللبن ويفضل لبن خالى اللاكتوز عشان أعوض نقص الكالسيوم اللى بتسببه .
معلقة خميرة بيرة
كوب لبن خالى اللاكتوز
معلقة كبيرة عسل نحل
ياسلام لو موزة كمان
اضربهم مع بعض فى الخلاط و سيبهم عشر دقايق وبعدين استمتع وحرفيا إستمتع لأنها بتظبط المزاج ظبطه محترمة سليمة حلال صحية .
متتساش تناول خل التفاح
متنساش الزبادى كل يوم
متتساش تدعم الزبادى بالألياف زى الردة أو النخالة .
هتمشى على النظام ده أوعدك بعض شهرين الشطة بالنسبة ليك كأنك بتاكل تفاح وربنا هيحفظك من المرض بإذن واحد أحد .
#دافنشى
#صحتي
