#طفولتها حقها

اطلق المجلس القومي للسكان بالتعاون مع شركة DKT ووزارة الصحة حملة للتوعية بخطورة زواج الأطفال تحت سن 18 سنة

كتب : ايمن محمود

زواج الأطفال ما هو إلا شبح على شكل فستان أبيض بيسرق منهم حياتهم! وطفولتهم كتير من الآباء والامهات شايفين ان
الجواز “سترة” للبنت وهي لسه طفلة تحت سن 18 سنة،
و لازم نعرف إنه بيعرضها لمخاطر بتهلك الطفلة لما بتتحول لزوجة وأم ومن خلال ذلك بيحصل الاتي :
_ تسمم حمل وارتفاع ضغط دم قاتل.
_ نزيف ونقص حاد في الحديد والفوليك.
_ جسد مش مستعد، وولادة مبكرة ممكن تقتلها هي أو الجنين.
_ اكتئاب، عنف منزلي، وعزلة بتموّت الروح والبنت لسه عايشة.
_ طفلة بتسيب التعليم وبتموّت جواها كل فرصة كانت تستحقها.

_ وحتى الجنين مش آمن وبيحصل له اية :
ضعف في النمو، أمراض، تقزّم، وسوء تغذية يهدد حياته من أول يوم.

زواج الأطفال مش مجرد قرار عائلي.. زواج الأطفال قرار ممكن يقتل عشرات بل مئات الأطفال:

في كل لحظة، طفلة بتموت وهي لسه ما لعبتش كفاية، ما خلصتش تعليمها، ما فهمتش حتى جسمها بيتغير ليه!

#طفولتها_حقها.. حملة للتوعية بخطورة زواج الأطفال تحت سن 18 سنة، اللي وفقًا للقانون المصري يُعد جريمة يُعاقب عليها القانون.
وبنوجه كلامنا لكل رب أسرة وكل حد لسه شايف إن زواج الأطفال حل مقبول..
سيبوا بناتكم تعيش.. وعيكم هو أملهم وسندهم.

#دافنشي
#حكايات_ندى
#طفولتها حقها
#المجلس القومي للسكان
#وزارة الصحة والسكان