كتبت: زينب يحيي
بما إننا في فصل الشتاء ومعظمنا بيفضل تناول المشروبات الساخنة، مع المعجنات والمخبوزات ، خاصة لو لسة طازة وساخنة، قررنا نعمل مع بعض القراقيش السادة بطريقة سهلة وبسيطة وسريعة وإن شاء الله تكون مكوناتها موجودة في كل بيت
مقادير القراقيش السادة
- كيلو من الدقيق.
- كوب من السمن.
- كوب من الزبت.
- باكو من الخميرة.
- كوب ماء دافي.
- رشة ملح.
- معلقة كبيرة شمر.
- معلقة كبيرة ينسون.
- معلقتين كبار من السمسم.
- معلقة كبيرة من السكر.
طريقه التحضير
- اول حاجه نقدح السمن والزيت على النار لحد ما يسخن
- جامد يعنى يكون قدح معانا
- هندوب الخميرة مع السكر في ربع كوب ماء ونتركها على جنب لمده خمس دقائق لتتفاعل
- هنجيب طبق كبير ونضع فيه الدقيق والملح
- والسمسم والينسون والشمر ونقلت كل المواد الجافة مع بعض وننزل بالسمن المقدوح عليه ونقلب بمعلقه خشب لحد ما يشرب الدقيق السمنه واهم حاجه البس يعنى تبسيه كويس وبعد كده ننزل بالخميره
- والماء الدافئ ونقلت كويس لحد ما العجينه تبقى لينه من غير تشققات وتقطعى العجينة وترص في صوانى ونتركها ترتاح لمدة نصف ساعة
- وبعد كده تتدخل الفرن على الرف الوسط وبعد كده تحت الشوايه
وبألف هنا وشفا
