كتبت : زينب يحيي
تحتاج المرأة للعناية والإهتمام ببشرتها، وتبحث عن منتجات العناية التي أصبحت باهظة الثمن، وليس لها فائدة كثيرة، لذا… نوضح في هذا التقرير أهم الوصفات الطبيعية لتفتيح وتنعيم بشرتك كلها مكونات بسيطة ومتوفرة في كل بيت ….
أهم الوصفات الطبيعية لتفتيح وتنعيم الجسم
وصفة الوردالجاف والسكر وزبدة الشيا
مكونات الوصفة
½ كوباية ورد جافة.
1 كوباية سكر.
2/3 كوباية زيت زيتون.
معلقة كبيرة من زبدة الشيا.
معلقتان كبار من اي نوع زيت عطري تفضليه
طريقة الوصفة
في طبق اخلطي المكونات كلها مع بعض وقلبيهم كويس, واستخدمي الخليط على الجسم.
بتلات الورد هتخلي بشرتك متوهجة ونضرة وهترطبها في نفس الوقت, زبدة الشيا هتحافظ على رطوبة البشرة, والوصفة دي تعتبر الاختيار المثالي للبشرة الجافة اوي, وخصوصا في فصل الشتاء .
وصفة اللوز البودر والارز البودر واللبن
مكونات الوصفة
كوب لوز بودر.
½ كوباية دقيق شعير.
4 معالق صغيرة ارز بودر.
2 معلقة صغيرة خشب الصندل بودر.
لبن.
زيت اللوز.
طريقة التحضير
في طبق اخلطي اللوز البودر, ودقيق الشعير, والارز البودر وخشب الصندل البودر, اخلطي اللبن بالتدريج وكام نقطة من زيت اللوز, وقلبي لحد ما تصبح عجينة متماسكة, استخدميها على الجسم.
يحتوي اللوز علي فيتامينات تعمل على تغذية البشرة وتحسين تدفق الدم, الارز المطحون بيحتوي على عوامل للحماية من اشعة الشمس وبيساعد على تفتيح البشرة والتخلص من اثار الشمس.
وصفة الشوفان البودر وملح البحر وزيت بذور العنب
مكونات الوصفة
كوب شوفان مطحون.
½ كوباية ملح البحر.
كام نقطة من زيت بذور العنب.
كام نقطة من اي نوع زيت عطري من اختيارك.
طريقة التحضير
اخلطي الشوفان مع الملح, ثم ضيفي زيت بذور العنب والزيت العطري, قلبي المكونات مع بعض, واستخدمي الخليط على الجسم.
الشوفان بيساعد على علاج تهيج البشرة, وزيت بذور العنب بيساعد على حماية البشرة من اضرار اشعة الشمس.
وصفة القهوة والسكر وزيت جوز الهند
مكونات الوصفة
نصف كوب قهوة.
نصف كوب سكر.
5 قط من زيت النعناع.
زيت جوز الهند.
طريقة التحضير
اخلطي القهوة مع السكر, ضيفي لهم زيت جوز الهند حتي يصبح خشن ثم ضيفي زيت النعناع, قلبي المكونات مع بعض واستخدمي الخليط على الجسم.
القهوة بتحتوي على خصائص مضادة للبكتيريا, وبتساعد على ازالة الجلد الميت والجاف, وزيت النعناع بيساعد على تهدئة البشرة, وزيت جوز الهند بيساعد على ترطيب البشرة.
وصفة السكر والخيار وزيت الافوكادو
مكونات الوصفة
2 كوب سكر.
2 ثمرة خيار.
زيت الافوكادو.
طريقة التحضير
افرمي الخيار في الخلاط ثم ضيفي السكر وزيت الافوكادو وقلبيهم مع بعض كويس, واستخدمي الخليط على الجسم.
الخيار بيساعد على تهدئة البشرة والحفاظ على رطوبتها, كمان بيساعد على تفتيح البقع الغامقة والعلامات على الجلد, والسكر بيساعد على تقشير وتنضيف البشرة بعمق, وزيت الافوكادو بيساعد على ترطيب البشرة.
طريقة استخدام الوصفات على الجسم
اول حاجة شاور بمية دافية.
تكوني مجهزة شوية من زيت الزيتون الدافي, ادهني بيه الجسم كله.
ضعي الخليط من اي وصفة من الوصفات السابقة وضعيها على الجسم كله.
ابدأي في تدليك الجسم في حركات دائرية لمدة دقايق.
اغسلي الجسم بالمية.
فوايد الوصفات الطبيعية للجسم
تجديد الجلد: تقشير الجلد الميت والجاف بيساعد على تجديد الجلد ونمو خلايا جلد جديدة.
التقليل من تصبغ الجلد: كتير من البنات بتعاني من البقع الغامقة والعلامات على الجلد, والوصفات من الحاجات اللي بتساعد على تفتيح البقع الغامقة والتخلص من العلامات والندبات.
تنعيم البشرة: بمجرد ما بشرتك تتخلص من كل الجلد الميت والشوائب, سوف تصبح ناعمة جدا, والوصفات دي من اكتر الحاجات اللي بتساعد على تنعيم الجلد.
ترطيب البشرة: كتير من المكونات والزيوت اللي موجودة في الوصفات بتساعد على ترطيب البشرة, وتجعل الجلد يحافظ على المية والرطوبة جواه.
