كتب : ايمن محمود
الصبار من النباتات المهمة معمول عليه 165 دراسة ..
داخلياً: بنشربه عشان نحافظ على رطوبة الجسم ونمنع الجفاف.. مفيد للأوعية الدموية للكليتين ووظائف الكلى.. التهاب أعصاب عرق النسا والتهاب وتنميل الرجل.. التصلب المتعدد.. البكتيريا المزمنة عند الأطفال في اللوز والميكروب السبحي..
من الـ165 اتعمل 9 دراسات منهم 6 عن أهميته لمرضى السكري النوع 2 إنه بيعمل إعادة بناء خلايا البنكرياس وحمايتها والمحافظة على معدل الأنسولين ..
والـ3 الباقيين عن أهميته للقولون العصبي والتقرحي والإمساك المزمن والإسهال المزمن (طبعاً مع منع القمح واللبن) ..
خارجياً: 17 دراسة من الـ165 اتكلموا عن فعاليته في مشاكل الجلد زي الصدفية / الإكزيما / التقرحات، وإعادة توصيل الأوعية الدموية للجلد زي الماء في الصحراء.. ودهان برضو للحُمرا في الجلد.. الجل مع كبسولات فيتامين هـ (E) للنضارة.. وينفع للأسنان عشان التسوس والجير ..
أنا بفضل النبات نفسه ويكون (ألوفيرا) محدش يسألني عن أي نوع تاني وتجيبه أنت وتطلع الجل منه.. الجاهز عند العطارين أو مكان مش موثوق فيه مبيكونوش استخرجوا منه العصارة الصفراوية اللي بتعمل مرارة.. الجل نفسه مش مُر خالص ..
أتمنى تكون استفدت من أهمية النبات ده معايا.. وتعمل شير لأي حد نصحك بيه قبل كده وقولتله لا ..
#دافنشي
