كتبت زينب يحيى
فراخ كنتاكي من الأكلات المحبببة المطلوبة جداً للأطفال، وبسببها يرفضون أحياناً تناول أكل المنزل، لذا سوف نوضح لكم في تقرير اليوم طريقة عمل كنتاكي مقرمشة بالمنزل بمكونات بسيطة طريقة سهلة.
مكونات الوصفة
- فرخة مقطعة 8 أو (حسب أفراد الأسرة)
- ملح حسب الرغبة
- معلقة ص فلفل أسود
- نصف كوب خل
- بهارات فراخ
طريقة التحضير
نغسل الفراخ كويس ونقطعها ونحطها في محلول مياة وملح وسكر وخل مش اقل من ساعتين أو ليلة كاملة
نشيلها من المحلول دا ونغسلها بمياة نضيفة ونضعها فالتتبيلة .
التتبيلة عبارة عن
- نص كباية ميا
- معلقة فلفل اسمر
- معلقة توم بودر
- معلقة بصل بودر
- معلقة بابريكا
- ملح
- نص معلقة جنزبيل
- تبليها بقا المدة اللي تحبيها
خطوة بعد التتبيلة
- نحضر طبق كبير نضع فيه 2 كوب من الدقيق، نضع عليه جميع التوابل السابقة، ونضيف عليهم معلقتين نشا وبيكينج بودر,
- هنطلع قطعة الفراخ من التتبيلة نضعها فالخلطة اللي عملناها ونضغط جامد باديها عليها وننفضها عشان تعمل شكل القرمشة اللي فالصورة
- ونضعها في شوية زيت حلوين كتير كدا عشان يبقي مغطي الفراخ ، يفضل القلي في وعاء غويط
- نسخن الزيت اووي ونضع الفراخ وننتظر دقيقتين علي نار هادئة لمدة ١٠ دقايق كدا تكون الفراخ استوت ونعلي النار تاني تاخد اللون اللي تحبوة ونطلعها علي مناديل مطبخ.
- تقدم مع بطاطس محمرة وصوص.
