كتبت زينب يحيى
خشاف رمضان من أساسيات سفرة رمضان، ومن أهم المشروبات الرمضانية، ومحبب للكبار والصغار، ويعتبر مشروب خفيف علي الفطار، يفضل تناوله ما بين صلاة المغرب والفطار، نوضح لكم اليوم في هذا التقرير مكونات الخشاف، وطريقة عمله بسهولة.
مكونات الخشاف هي:
- كوب قمر الدين مقطع صغير
- نصف كوب تمر منزوع النوى ومقطع
- نصف كوب تين مجفف مقطع
- نصف كوب مشمشية مجففة مقطعة
- نصف كوب زبيب
- 4 أكواب ماء دافئ
- ة سكر حسب الرغبة
- ربع كوب جوز هند
- مكسرات مشكلة (اختياري)
طريقة تحضير الخشاف
- نقطع قمر الدين قطع صغيرة جدًا ويوضع في بولة.
- نضيف له كوب ماء دافئ ويترك من ساعة لساعتين لحد ما يطرى تمامًا.
- نقلبه بالمعلقة لحد ما يفك ويصل قوام خفيف.
- في بولة تانية نضع التمر والتين والمشمشية والزبيب.
- نضيف قمر الدين المنقوع عليهم.
- نضيف باقي كمية الماء (3 أكواب) ونقلب كويس.
- نغطيه وندخله التلاجة 3–4 ساعات أو من بالليل للصبح.
- قبل التقديم نضبط السكر ونضيف جوز الهند والمكسرات.
- يقدم ساقع جدًا.
- لو عايزة قوام أتقل: ممكن تضربي قمر الدين في الخلاط بعد النقع قبل ما تضيفيه.
